Usio nie źbiarusia Pryvieści ŭ paradak Rabočy svoj stoł, Napakavany druzam słoŭnym, Abłomkami dumak. A treba było b Ukrucić u nastolnuju lampu Niejkuju novuju Miljardnavoltnuju zorku Mlečnaha Šlachu, Kab lepš bačyć Budučyniu. Źbiralnikam makułatury Addać staryja časopisy, Piśmy i vieršy, Kab nie zaminałi. Napoŭnić čarniłicu Majskaj śvitalnaj zaroj, Kab słovy tak chutka Nia blakłi i nie vyharałi. Vykraśłić Z telefonnaj knižki Numary, Na jakija daŭno ŭžo nichto Nie adkazvaje. Raskryć kalandar Na viekapomnych padziejach I pakłaści Łist čystaj papiery, Kab toj, Chto paśla mianie pryjdzie, Adrazu moh Novuju pieśniu pačać.
1981
|
|